ਪਰਿਵਾਰਕ ਵਿਵਾਦ ਤੋਂ ਬਾਅਦ ਚੰਡੀਗੜ੍ਹ ਦੇ ਹੋਟਲ ਵਿੱਚ ਆਤਮਹੱਤਿਆ ਦੀ ਧਮਕੀ ਦੇਣ ਵਾਲਾ ਅਧਿਕਾਰੀ ਸੁਰੱਖਿਅਤ ਬਰਾਮਦ, ਪੁਲਿਸ ਨੇ ਸਮੇਂ ਸਿਰ ਕਾਰਵਾਈ ਕਰਕੇ ਬਚਾਈ ਜਾਨ

ਚੰਡੀਗੜ੍ਹ

ਹਰਿਆਣਾ ਦੇ ਹਿਸਾਰ ਵਿੱਚ ਪਰਿਵਾਰ ਨਾਲ ਹੋਏ ਝਗੜੇ ਤੋਂ ਬਾਅਦ ਗੁੱਸੇ ਵਿੱਚ ਚੰਡੀਗੜ੍ਹ ਆਏ ਇੱਕ ਅਧਿਕਾਰੀ ਵੱਲੋਂ ਸੈਕਟਰ-22 ਸਥਿਤ ਹੋਟਲ ਰਾਇਲ ਪਾਰਕ ਦੇ ਕਮਰੇ ਤੋਂ ਆਪਣੀ ਪਤਨੀ ਨੂੰ ਵੀਡੀਓ ਕਾਲ ਕਰਕੇ ਆਤਮਹੱਤਿਆ ਕਰਨ ਦੀ ਧਮਕੀ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਅਧਿਕਾਰੀ ਨੇ ਪਤਨੀ ਨੂੰ ਇੱਥੋਂ ਤੱਕ ਕਹਿ ਦਿੱਤਾ ਸੀ ਕਿ ਉਹ ਹੋਟਲ ਦੇ ਕਮਰੇ ਤੋਂ ਆਪਣੀ ਲਾਸ਼ ਲੈ ਜਾਣ ਅਤੇ ਇਸ ਤੋਂ ਬਾਅਦ ਆਪਣਾ ਮੋਬਾਈਲ ਫੋਨ ਬੰਦ ਕਰ ਲਿਆ। ਪਰਿਵਾਰ ਵੱਲੋਂ ਘਬਰਾਹਟ ਵਿੱਚ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੇ ਵਕੀਲ ਬੇਟੇ ਰਾਹੀਂ ਡੀ.ਐੱਸ.ਪੀ. ਅਤੇ ਸੈਕਟਰ-17 ਥਾਣਾ ਇੰਸਪੈਕਟਰ ਸੁਦੇਸ਼ ਕੁਮਾਰ ਨੂੰ ਸੂਚਨਾ ਦਿੱਤੀ ਗਈ।

ਚੰਡੀਗੜ੍ਹ ਪੁਲਿਸ ਨੇ ਤਤਪਰਤਾ ਦਿਖਾਉਂਦਿਆਂ 11 ਟੀਮਾਂ ਬਣਾ ਕੇ ਸੈਕਟਰ-22 ਦੇ ਹੋਟਲਾਂ ਵਿੱਚ ਤਲਾਸ਼ੀ ਮੁਹਿੰਮ ਸੁਰੂ ਕੀਤੀ ਅਤੇ ਅਧਿਕਾਰੀ ਨੂੰ ਹੋਟਲ ਦੇ ਕਮਰੇ ਤੋਂ ਸੁਰੱਖਿਅਤ ਲੱਭ ਲਿਆ। ਮੌਕੇ 'ਤੇ ਜਾਂਚ ਕਰਨ ਦੌਰਾਨ ਕਮਰੇ ਵਿੱਚ ਸ਼ਰਾਬ ਦੀਆਂ ਬੋਤਲਾਂ ਦੇ ਨਾਲ ਸਲਫਾਸ ਦੀ ਖੁੱਲ੍ਹੀ ਪੁੜੀ ਵੀ ਬਰਾਮਦ ਹੋਈ ਸੀ। ਹਾਲਾਂਕਿ, ਪੁਲਿਸ ਵੱਲੋਂ ਤੁਰੰਤ ਹਸਪਤਾਲ ਲਿਜਾਣ 'ਤੇ ਡਾਕਟਰਾਂ ਨੇ ਸਪੱਸ਼ਟ ਕੀਤਾ ਕਿ ਅਧਿਕਾਰੀ ਨੇ ਕੋਈ ਵੀ ਜ਼ਹਿਰੀਲਾ ਪਦਾਰਥ ਨਹੀਂ ਨਿਗਲਿਆ ਸੀ। ਪਰਿਵਾਰ ਦੀ ਬੇਨਤੀ ਅਤੇ ਬਦਨਾਮੀ ਦੇ ਡਰ ਕਾਰਨ ਪੁਲਿਸ ਨੇ ਅਧਿਕਾਰੀ ਦੀ ਪਛਾਣ ਗੁਪਤ ਰੱਖਦਿਆਂ ਉਨ੍ਹਾਂ ਨੂੰ ਸੁਰੱਖਿਅਤ ਪਰਿਵਾਰਕ ਮੈਂਬਰਾਂ ਦੇ ਹਵਾਲੇ ਕਰ ਦਿੱਤਾ ਹੈ।

---

An officer who threatened to commit suicide via video call from a Chandigarh hotel following a family dispute in Hisar was safely traced by Chandigarh Police, with medical checks confirming he consumed no poison.

हरियाणा के हिसार में परिवार से विवाद के बाद चंडीगढ़ के होटल में आत्महत्या की धमकी देने वाले अधिकारी को पुलिस ने तत्परता दिखाते हुए सुरक्षित ढूंढ निकाला, जांच में सामने आया कि उन्होंने कोई ज़हरीला पदार्थ नहीं निਗਲਾ था.

Chandigarh hotel suicide threat, Sector 22 Hotel Royal Park, Hisar officer family dispute, Chandigarh Police rescue, Suhas open packet found, Punjab news latest